Das Häxägebräu

Zerscht bruucht mä äs Chessi, gross und schwär,
eis us Chupfer, chäm am Beschtä derhär.

Zum Füürä Holz vom oberä gäächä Eichwald,
und wemmä nid det ufä wett, tueds au frisch gspaltnigs vom ä Nachbar halt.

De bruuchts ä Stäi vom Timpel bewachsä mit Moos, 
ee sett syy, öbbä zwee Füscht gross.

Wasser nimmt mä usem Fallenbach,
natürlich nur innärä Vollmondnacht.

Vonärä Chrot nimmt mä zwee Wärzä,
de hilft das Züüg nah gägä Schmerzä.

Amä Chreja Schnabel muess mä drüü Mal abchärbä,
susch tueds vill zschnell verdärbä.

De bruuchts nu ä Chrälle vonärä Ülä,
das verhinderet nachem trinka s’hüülä.

Mä dänkt vilicht jetzt das cha nid so schwierig syy,
aber da chömid nu äs paar spezielli Sachä dryy.

Nämlich vo dä Bea bruuchts ei Ässlöffel Tränä,
suscht muess mä nachem trinkä sofort gähnä.

Und vo dä Anita nimmt mä ei Zahnd, wiis und bleich,
das macht im Abgang s’Hirni schön weich.

Vo dä Helen d’orangä Huut, mä bechund sii schwirig zwar,
äs paar Fätzä langid, de wird das Gsöff klar.

Dä Ohräschmalz vom Alex, use chrazä cha schwierig wärdä,
brucht scho zwe Ässlöffel zum s’Ganzä iifärbä.

Ohni Nasebög vode Antoinette wird’s wohl we Kläischter,
und de trinkts ä käinä vode Timpelgaischter.

Vom Lars bruuchts nu 3 Haar vom Sack, würd mäs vom Füdlä näh,
chönnt mä das Gsöff nid ämal adä Chatzämusig gäh.

Zum Schluss bruchts nu vom Heidi 5 Tropfä Bluet,
nur wägä dem wird’s einigermassä guet.

De Zauberspruch wird is Chessi glärmed luut, 
nei lüüter so machid d’Urmibärghäxä irä Honigchrüter.

Rede von René Inderbitzin, Präsident der BVB, an der GV vom 31.10.2025